郑裕玲约满离巢？陆永“比Do姐更似Do姐”，C君两字秒杀全场，有“农夫”唔怕后继无人

最近网传Do do姐郑裕玲

即将同无线约满结束宾主关系

已经为TVB服务近40年嘅佢

无意再续约

仲透露自己准备出国

突然收到风嘅观众

都觉得好突然

Do姐入行近半个世纪

已经係TVB嘅标志性人物

早期佢以演员身份活跃

喺《网中人》《亲情》

《流氓大亨》等电视剧里面

搭档过周润发、任达华、

张国荣呢批“影帝”“视帝”

2000年嘅时候

同子华神合拍《男亲女爱》

更凭“毛小慧”一角

摘取“最佳女主角”奖项

演技得到大家认可

后来佢渐渐淡出影视圈

开始投身主持

涉及嘅领域有旅游、访谈、

游戏、美食、购物等

一啲大型嘅慈善、港姐竞选

颁奖典礼呢类嘅大型晚会

都一定唔会少咗佢嘅参与

Do姐嘅主持风格幽默直爽

形象又端庄大方

有佢嘅现场都能保证唔出问题

而且，

Do姐一直以来都好提携后辈

早前余德丞离巢后冇耐

即得到佢嘅帮助

火速转战商台开始新工作

喺主持界、日常工作中

亦都非常照顾新人

同佢合作过嘅艺人

都对佢赞不绝口

Do姐曾经係一个节目中讲过

佢同“肥姐”沈殿霞合作嘅时候

学识咗对方身上嘅专业精神

所以佢依家都好专业、敬业

并希望自己嘅正能量

可以被后辈传承落去

曾经同Do姐合作过嘅麦美恩、马国明

得知佢可能约满离巢都表示好惊讶

觉得好可惜以后少咗机会

同咁好嘅前辈搭档

纵观一下TVB嘅艺人、主持

现在暂时都未有人可以“传承”

Do姐嘅台柱地位啵

大家就谂翻起

本来同Do姐合作无间嘅农夫

喺5年前就曾经有过

好经典嘅模仿秀

“无预警”现身嘅农夫两人

陆永穿上Do姐经典小香风套装

加上标志性大波浪卷发现身

高挑瘦削身材+显瘦长腿

同本尊相似程度令现场沸腾

模仿其讲嘢时手指指嘅姿势

以及略显尖酸嘅语气

令Do姐都忍唔住狂拍手掌

C君喺搭嗲嘅时候

更秒变“曾志伟”

“打和”两字秒杀全场

爆笑效果拉满

被调侃嘅曾志伟本尊

又激气又想笑

只好扮嬲“打”走两个百厌星

呢段模仿堪称经典

陆永更被大家评为

“比Do姐更似Do姐”嘅存在

有啲网友就觉得陆永丑化咗Do姐

但佢本人就话一啲都唔嬲

仲睇得开心又惊喜

陆永好似cosDo姐玩到上晒瘾

后来佢仲用呢个Do姐2.0嘅形象

同农夫拍咗个广告添

style一样嘅小香风外套

霸气直爽嘅台词

配合C君嘅鬼马恶搞

个广告充满欢声笑语嘎

既然郑裕玲喺TVB嘅地位

已经无人能及

如果真係要拣个“接班人”

难道真係要农夫顶上？